Ce si aial di fâ cuant che la Storie no va cemût che si spietisi? Ce promessis jerino chês di pâs, prosperitât e libertât dal 1989? La colade dal mûr di Berlin e de Union Sovietiche no varessino vût di vierzi une ete infinide di benstâ e di justizie? E il colàs de Jugoslavie, cul so gorc di violence e di matetât, ce jerial? Un “incident di percors”? Monika, la autore, Franco, il vendidôr-sglonfebufulis, Emiliano, l’atôr, Tenente, il disertôr, Gloria, la sorevivude, Viktor, un testemoni, a son animis dispierdudis, che a barufin, a contin bausiis, a amin e a vagolin tra siums e orôrs dai agns ‘90, simpri cirint il lôr puest e il lôr sens tal mont. Ma la tiere e zire e e confont – e e zirarà simpri plui svelte: cemût fâ a savê dulà che si è, cui che si è e ce che nus spiete intant che e criche cheste albe fumule dopo de fin de Storie? Lis lôr pôris, i lôr desideris, lis lôr bausiis e veretâts contino ancjemò alc, o sono svoladiis cemût che nus somein lis nestris? 

Tierce part, autonome, de trilogjie Inabili alla morte/Nezmožni umreti, che e travierse la storie europeane dal Nûfcent de prospetive dal confin Est Ovest, La albe dopo de fin de Storie e conte, tra teatri e live cinema, tra veretâts palesis e fakes clamorôs, il salt tal vueit entusiasmant e ambigui dai agns ‘90. 

Spetacul par talian cun soretitui par sloven e par inglês

Spettacolo con luci stroboscopiche e fumo in scena