Mittelfest

Teatri - Musiche - Danze

Cividale del Friuli

mittelfest 2022

di 22 a 31 Lui

scuvierç di plui

mittelyoung 2022

di 12 a 15 Mai

news

Mittelfest 2022

#impreviscj

La vee di Nadâl dal 1915, dut podeve spietâsi Albert Einstein fûr che i rivàs a cjase une letare, spedide dal coleghe Karl Schwarzschild, che dal front, tal mieç des trinceis, al mandave lis soluzions ae jessude resinte des ecuazions di relativitât gjenerâl. Rispuestis dal dut imprevistis, ma dome pai voi di Einstein che al leieve, no pe man di cui che al veve scrit, Schwarzschild, che la sô ment speculative no si jere mai fermade, nancje dentri dal bombardâ interminabil de vuere grande. Chest al è chel che o savìn vuê, e nus ven de conte che Benjamín Labatut al fâs de storie di Schwarzschild. Un pugn di calcui inspietâts, vignûts fûr come dal nuie. Chest al veve Einstein devant di se: motîf di turbament e di maravee profonde.

La stesse sensazion e varès pervadût Berlioz, a scoltâ la sentence capitâl pronunziade di un forest cuntune ande strambe, chest dotôr Woland, che dongje dai sfueis Patriaršie di Mosche, intun tramont cjalt in maniere straordenarie te Vierte dal 1918, al trabascjave di vueli di gjirasol, di Annuška e di decapitazions. Epûr, chel che al sarès stât par Berlioz l’imprevist fatâl, si preparave za, un pas daûr chel altri, cence che lui al savès: parcè che Annuška e cjaminave svelte, dopo vê comprât il vueli, dulà che Berlioz al sarès sbrissât in maniere imprudente. Di gnûf, chê misture di ecitazion e di orôr si le varès cjatade fûr chê sere – al conte simpri Michail Bulgakov intal so romanç “Il mestri e Margarite” – intal diretôr finanziari Rimskij, altri om striât di Woland e compagnie, cussì come lis sioris e i siôrs corûts tal Teatri di Varietât. Li, sul palc, dopo di une schirie di maraveis, e jere nassude dut un colp une boutique strane: une tende, un istant, il vistît vecjo che si dave la volte cun chel ae ultime mode. Rimskji al varès viodût la masse suspirâ cul aparî de boutique, metisi in file cun esitazion, passâ daûr de tende un par volte, gjoldi pe magjie dal gnûf look. Fale dopo cjatâsi dutis e ducj, maraveâts, a berlâ di vergogne inte gnot moscovite, par vie che a jerin restâts – in maniere leterâl – in mudantis, rezipet e canotiere: cun Woland e compagnie a jerin sparîts ducj i biei vistîts.

Veju i impreviscj, che si preparin dulà che i nestris voi no notin, ancje se a viodin, dulà che lis nestris orelis no intindin, ancje se a sintin, dulà che il nestri cuarp al fâs fente di nuie, ancje se si cjate intal mieç dai events. Veju i impreviscj, che a rivin a savoltâ abitudins consolidadis e ciertecis masse facilis, cul lôr gorc di pericui, dolôrs e, ancje, oportunitâts.

Tant che cjartis di zûc che, cuviertis, a platin il lôr segret, i impreviscj a son cussì dome par nô, maraveadis o maraveâts dal lôr sucedi: epûr, une volte che a son rivâts, si pues davuelzi il fîl des lôr causis, ricostruî il lôr preparâsi lent intal timp. Intant, però, o sin za impegnâts cui lôr efiets, cun ce che di gnûf, intal ben o intal mâl, nus àn lassât.

Contâ impreviscj nol è, in se, nuie altri che un zûc, ma bon par sfrancjâ i sens, par cjalâ cun plui atenzion chel che al sucêt ator di ognidune e di ognidun di nô: un pôc par imparâ a dâ valôr a ce che dispès si trascure, un pôc par reagjî intal mût miôr a ce che, dut câs, no si pues previodi. Parcè che la cjarte di zûc, ancjemò taponade e je come il gjat inte scjate di Schrödinger: dome al so aparî tu ’nt cognossis il valôr reâl.

Giacomo Pedini, Direzion artistiche

Supporta Mittelfest

Sostieni la cultura, l’arte e gli artisti

Oggi più che mai serve la partecipazione diretta di ognuno, anche con piccoli contributi, per mettere in moto nuovi progetti e nuovi percorsi culturali per tutti e per il futuro di ognuno.

Perché? Perché Mittelfest da 30 anni produce e propone l’arte performativa contemporanea italiana ed europea ed è l’unico festival di teatro, musica, danza internazionale in Friuli Venezia Giulia; perché promuove il territorio in cui opera; perché Mittelfest è un bene comune per la società di oggi e di domani. Chi? Tutti, persone fisiche e giuridiche. Come? Ci sono diverse possibilità, efficaci, dirette, alla portata di tutti, convenienti. Scopri come:

ART BONUS NAZIONALE

ART BONUS FVG

Iscriviti ae nestre newsletter par jessi inzornât su lis nestris iniziativis