E pûr, il disordin di chel univiers stramp, vignût fûr cent agns indaûr, al à dât il ritmi ae nestre ete fate di supertrens a alte velocitât, di robots cence anime, di tecnologjiis satelitârs, di risonancis magnetichis e di drons – che a puartedin regâi di Nadâl o bombis, chel no si sa.E pûr, il disordin di chel univiers stramp, vignût fûr cent agns indaûr, si riflet tai sintiments de nestre ete; tal voli discocolât devant des lûs che a gjerometin di bessolis tal scûr; te gole infogade di cui che al vose a fuart il so malstâ pes novitâts continuis e pes imposizions; tal disorientament strac dai viazadôrs che no si fermin mai, libars o no; tal morbin di cui che al mude ogni truc intune pussibilitât gnove. Ce si aial di fâ devant di dute cheste confusion? Si aial di provâ a tornâ a meti dut in rie, daûr des regulis fredis di une volte e dai algoritmis che a saran, o pûr si varessial di lassâsi lâ ae aventure, cu la bestialitât timide dal ses dai vincj agns, cjavalgjant ce che al ven, biel o brut che al sedi? Stâ a sotet tes nestris cjasis, cjalant intun schermi ce che al sucêt difûr, sperant che no nus tocji a nô, o pûr butâsi intal mieç de incuadradure tant che protagoniscj? O salacor, tant che un ecuilibrist sul fîl, provâ a traviersâ chest mont, clopant dilunc de nestre stradute fine, picjâts malsigûrs par aiar, parsore di un precipizi, bande la mete, tra barufis, ilusions, corsis, sperancis e altris disordins sontuôs? Il dadul nol è stât tirât.

Curatores
Teresa Bisoni, Alice Bozzetti, Letizia Buchini, Elisabetta Diledone, Alessio Fabris, Zoe Ferfoglia, Aziz Fersi, Agnese Foglietta, Sofia Fraziano, Stefany Gallai, Andrea Garivalis, Samuele Gos, Jan Kalc, Christina Lancione, Antônio Frederico Lasalvia, Mattia Lautieri, Kevi Malaj, Gabriele Marcon, Alessia Marinig, Sofia Mauro, Alessandro Miscoria, Roberta Nardone, Lorenzo Nascig, Angelica Pellizzari, Luna Peressutti, Emma Pertoldi, Noemi Pividori, Iaele Pizzulin, Elena Rainis, Laia Rodoreda, Laura Sfetez, Sara Shullani, Andrea Sotirovski Paolo Tonezzer, Giulia Verona, Sara Vuerich

Partner
Associazione culturale Arearea, Civica Accademia d’Arte Drammatica Nico Pepe, Conservatorio Statale di Musica Giuseppe Tartini di Trieste, Conservatorio Statale di Musica Jacopo Tomadini di Udine, Fondazione Luigi Bon, Università degli Studi di Trieste, Università degli Studi di Udine, SNG Nova Gorica (Slovenie), Associazione culturale Circo all’incirca, Associazione culturale Quarantasettezeroquattro, Associazione giovanile Robida, Convitto Nazionale Paolo Diacono, Istituto Tecnico Arturo Malignani, Scuola di Danza Erica Bront, Teatro Club Udine – Palio Teatrale Studentesco