A Cividât al è facil rivâ cu la machine, cul tren, cul avion o cu la coriere.
A pôcs chilometris di distance di Udin, e je une destinazion che e incjante, sît UNESCO, dentri di un ambient naturâl unic, ideâl par vivi Mittelfest e par scuvierzi un dai borcs plui inmagants dal Friûl-Vignesie Julie.
Cemût rivâ a Cividât
Cu la machine
Di Vignesie o Triest
Autostrade A4 Vignesie–Triest, jessude Udin Sud.
Lâ indevant pe Strade Statâl 54 (Udin–Cividât) cjalant lis indicazions par Cividât.
In alternative, si pues lâ fûr al casel di Palme e cjalâ lis indicazions par Cividât.
Di nord (Austrie/Tarvis)
Autostrade A23 Tarvis–Udin, jessude Udin Nord, po dopo lâ indevant pe Strade Statâl 54 (Udin–Cividât).
Cul tren
Cividât e je colegade cun Udin midiant de ferade Udin–Cividât, che e vignarà ripristinade tal mês di Mai dal 2026.
Il percors al è curt e cun corsis frecuentis: di Udin si rive a Cividât in cirche 20–25 minûts.
Par oraris inzornâts e informazions:
www.ferrovieudinecividale.it
Udin e je ben colegade cu lis citâts talianis plui impuartantis (Vignesie, Triest, Tarvis, Milan, Bologne, Rome) e cun chês dal forest (Vilac, Viene).
Par oraris inzornâts e informazions:
www.trenitalia.com
Cul avion
L’aeropuart di riferiment al è chel di Triest – Roncjis di Monfalcon, a cirche 30 km di distance di Cividât.
Dal aeropuart si pues cjapâ il tren o la coriere bande Udin e di li rivâ a Cividât.
Par informazions sui svoi:
www.aeroporto.fvg.it
Cu la coriere
Cividât e je servide des liniis di coriere regjonâls.
Informazions su liniis e oraris:
www.arrivaudine.it
e ancje
www.aptgorizia.it
A son in vore colegaments cun Udin, Gurize e altris localitâts dal teritori e slovenis.
Cemût spostâsi a Cividât
Cividât e je une citât a misure di om: il centri storic nol è grant e in dutis lis sedis principâls di Mittelfest al è facil rivâ a pît.
Tai dîs dal festival, il centri storic al devente pe plui part zone pedonâl, e al è ancjemò plui biel spassizâ tra spetacui, placis e lûcs storics.
Cemût spostâsi a Cividât
Cividât e je une citât a misure di om: il centri storic nol è grant e in dutis lis sedis principâls di Mittelfest al è facil rivâ a pît.
Tai dîs dal festival, il centri storic al devente pe plui part zone pedonâl, e al è ancjemò plui biel spassizâ tra spetacui, placis e lûcs storics.
A pît e in biciclete
Al è il miôr mût par vivi la citât.
Lis distancis a son curtis e in ducj i lûcs dal festival si pues rivâ cuntune comude cjaminade.
Par plui informazions sui percors ciclabii visite www.turismofvg.it
Par altris percors visite vallimpiadi.com
Parcs pes machinis
La citât e ufrìs altris pussibilitâts di soste, che si puedin consultâ cun facilitât cui principâi imprescj di navigazion.
Mape
Scuvierç li che al è Cividât e scomence a programâ il to itinerari tal cûr dal Friûl-Vignesie Julie.
