Pandût il teme de edizion 2023. Al rive ancje Mittelbabel, archivi e memorie storiche di 30 agns di Mittelfest. Gnûfs pas bande e cun GO!2025

Inevitabil: al è chest il teme de edizion 2023 di mittelfest, sielt dal diretôr artistic Giacomo Pedini, une peraule che e ricuarde la l’inestinguibile contraposizion fra destin e pussibilitât di sielte.
“Il nestri timp, se cjalât par indaûr, si disvoluce lineâr e sigûr, tant che il fîl tiessût des Parchis latinis, o des Nornis gjermanichis, lis filadoris misteriosis dai events umans imberdeâts. Cualsisedi fat si pant tant che un moment che no si pues evitâ di une storie uniche e lungje. 
Alore, vuelial dî che lis sieltis che o fasìn no son nestris, parcè che a son determinadis di un destin za dât?”

Mittelfest #inevitabile us spiete dai 21 ai 30 di Lui dal 2023.

---

Al è un viaç intal timp di mittelfest il progjet Mittelbabel che al è stat presentâ vuê dal so ideadôr, Roberto Canziani.

Mittelbabel al è l’archivi e la memorie storiche di mittelfest, une plateforme digjitâl realizade dal studi Zeranta.

Si svicine la tierce edizion dal festival plui zovin de Europe: mittelyoung. Chest an al sarà ospit del SNG di Nova Gorica.

Mittelyoung #inevitabile dal 18 al 21 di mai 2023.

Confermade ancje intal 2023 la sinergjie cun Cividât e cul teritori, dal Comun al sisteme di museus comunâi, cul Museu Archeologjic Nazionâl, cu la Parochie di Sante Marie Sunte e il Museu Cristian, cul Convit Nazionâl Paolo Diacono, cu la Somsi e cul Curtîl di Firmine.

Scuvierç ducj i detais des novitâts achì.