MitteLounge al è l’apontament plui rilassât di Mittelfest: un spazi aperitîf che al met dongje musiche e convivialitât. Dôs seradis, lunis ai 21 e martars ai 22 di Lui, li che des 19:30 fin che al va jù il soreli, doi grups musicâi si esibissin par maraveâ il public intune atmosfere rilassade. L’event al è ospitât tal   Ort des Ursulinis, un zardin tant biel che sugjestîf a doi pas dal Munistîr di Sante Marie in Val e dal Templut Langobart. Chest spazi vert, siôr di storie e di incjant, al è l’ambient ideâl par gjoldisi buine musiche e conversazions plasevulis tes seradis di Istât dal festival.

Il Pont aperitîfs al è gjestît dal Bar da Giordano

L’ingrès ai concierts al è libar
Il spazi al vierç aes 19.30 e al siere aes 21.15
In câs di brut timp, l’event nol sarà garantît

Ârbâr

Dôs colonis de musiche alternative furlane si dan adun par un dj set fûr des regulis e des convenzions. Walter Sguazzin e Leo Virgili a messedin cun maestrie lis sonoritâts digjitâls fredis cu lis imperfezions analogjichis, profitant tal stes timp de eficacie dal beat eletronic secuenziâl e de comunicativitât e de magjie dal disc di vinîl e de strumentazion acustiche. Tal mieç dal set il misteri dal theremin, il “strument invisibil”, plen de sô magjie rétro, ma simpri bon di maraveâ.

Il Successo Non è Niente

Il Successo Non è Niente al è un conciert che al travierse storiis di olse, siums e feridis dal Friûl-Vignesie Julie. Cun cjançons origjinâls, Simone Piva al conte figuris straordenariis come Tina Modotti, Primo Carnera, Federico Tavan e al ricuarde events che a àn segnât la nestre tiere, come il taramot dal 1976 e lis lotis dai lavoradôrs dal Cormôr dal 1950. Un viaç musicâl tra memorie, poesie e realtât dulà che la cjançon di autôr si cjate cu la energjie dal rock e la intensitât de narazion.