Lis atmosferis dal Amlet di Shakespear a tornin cu la potence de lôr font origjinarie, il Saxo Grammaticus. La compagnie EuAct nus fâs jentrâ intune opare multilengâl, furlane, taliane, ongjarese e inglese. Ma cu la capacitât di fevelâ a ducj lant di là des lenghis. Amlet nol è dome la storie di une persone, ma al è un drame coletîf che nus puarte sul ôr di un abìs di fuarcis primitivis. La sene e fevele bessole: un mont origjinari, misteriôs, arcaic, pretecnologjic si presente devant dai nestris voi. Culì, tra lis vicendis de storie di Amlet, si vierzin puartis su lis profonditâts de cussience di ognidun di nô. 

Prime assolude
Spetacul par furlan, talian, ongjarês e inglês