Plui di dusinte agns indaûr, ai 29 di Zenâr dal 1822, a Cividât e nasseve une des plui impuartantis atoris dal teatri european e ocidentâl dal secul XIX: Adelaide Ristori. Dal 1998 indenant, ogni an, Soroptimist International d’Italia – Club di Cividât i dediche ae “grande atore” che e à inmagât mieç mont il premi che al à il so non, di dâ ae atore plui brave de edizion precedente di Mittelfest. Tal 2025 il Premi Adelaide Ristori i va a Ema Andrea, protagoniste te edizion Mittelfest 2024 dal spetacul Negotiating Peace, scrit di Jeton Neziraj e direzût di Blerta Neziraj: cul lengaç de satire dure, tra la comedie grotescje e il drame, si fronte il teme des assurditâts e contradizions che a son intai grancj procès di pâs, e la lôr fragjilitât.

Par informazions contatâ Soroptimist International d’Italia – Club di Cividât