Si Vîf nus puarte fra lis monts de Cjargne, dulà che istint e magjie, carisme e imprevedibilitât a àn cjatât la lôr cjase. Il regjist Dorino Minigutti al conte il cjantautôr cjargnel Gigi Maieron cuntun voli plui atent al om che no al artist. Dal dialic tra il regjist e il cjantautôr a vegnin fûr i moments plui delicâts e dificii de vite di Gigi: dal rapuart complès cu la mari, che cun jê al à scomençât di fantat la ativitât musicâl, ae fature di tignî dongje la passion e la famee, dal dolôr pe pierdite de fie ae scriture tant che autoterapie. Su dut la capacitât di emozionâsi e di emozionâ cuntun trat misurât, mai enfatic o plateâl. Un mût di frontâ la vite che al tocje sintiments sempliçs ma vêrs, cun chê sensibilitât profonde che e à caraterizade la sô vite di scritôr e di musicist.

Ingrès libar fin che a son puescj disponibii

Tal câs di brut timp, la proiezion si fasarà te Sale Sociâl de SOMSI di Cividât

Film par furlan cun sottotui in talian e ingleis