Taranto chiama al è un documentari inchieste zirât tra il 2016 e il 2025 che al denunzie al grant public ce che al è pardabon sostignibil pe vite umane. Un viaç di Triest a Tarant che al mostre ce che al sucêt te citât dai doi mârs, declarade de ONU zone di sacrifici pal incuinament de ILVA, il stabiliment siderurgjic plui grant de Europe. Intant che li cronichis a fevelin di une citât blocade tra incuinament e ocupazion, a Tarant a son i fruts a paiâ il presit plui alt de contaminazion. Intun senari naturâl e storic unic, maris, miedis, artiscj, ativiscj, imprenditôrs e fintremai fraris si impegnin par tornâ a dâ bielece e justizie ae lôr tiere, fasint cuintri ae grande industrie e al Stât intune lote sbelançade par (tornâ a) mudâ l’infier in paradîs. Taranto chiama e je une conte corâl fondade su dâts sientifics che e mostre il coraç di chei che a son daûr a fâ sù, partint dal bas e a dispiet di dut, un gnûf model di svilup che al stramudi il dolôr in bielece.

Event in colaborazion cul Curtîl di Firmine e cu la Storiche Societât Operarie di Mutui Socors e Istruzion di Cividât

Ingrès libar fin che a son puescj disponibii

Tal câs di brut timp, la proiezion si fasarà te Sale Sociâl de SOMSI di Cividât