Ai 12 di Setembar dal 1919 un trop di uns tresinte soldâts cun a cjâf Gabriele D’Annunzio al jentre te citât portuâl nordadriatiche di Flum / Rijeka, cul obietîf di anetile ae Italie. Tai 16 mês dopo, intant di chel che al è calcolât un dai assedis plui particolârs di simpri, la sô sezion fotografiche uficiâl e fâs passe 10.000 fotografiis. Dopo cent agns, metint dongje cun origjinalitât lis straordenariis fotos di archivi de epoche e i reenactment che a àn par protagoniscj i abitants de citât di vuê, il regjist di Flum Igor Bezinović al torne a fâ vivi tal spazi public de Rijeka moderne un moment storic cuant che la citât e à cognossût une trasformazion inspietade.

Event in colaborazion cul Curtîl di Firmine e cu la Storiche Societât Operarie di Mutui Socors e Istruzion di Cividât

Ingrès libar fin che a son puescj disponibii

Tal câs di brut timp, la proiezion si fasarà te Sale Sociâl de SOMSI di Cividât