Abo Jabal: a son i 8 di Mai dal 2024 e Israêl si prepare a inviâ une operazion militâr distrutive a Rafah. Tahani, une femine palestinese che e je stade sfolade plui voltis tal so paîs pai atacs a Gaza, si domande dulà cjatâ ancjemò ripâr par se e pai siei fîs. Chest ritrat de sô vite e de sô famee prin e dopo dai 7 di Otubar al conte il martueri di une mari segnade di une pierdite dolorose, che e fâs fature a cjatâ padin.
The Poem We Sangal è un documentari sperimentâl che al met adun ripresis a colôrs e in blanc e neri. Il film al riflet sui temis dal amôr, pe proprie famee, e de nostalgjie, pe proprie cjase. Chescj sintiments a vegnin frontâts cul superâ il traume peât ae pierdite de cjase di famee e ae migrazion sfuarçade. Il film al trasforme i displasês di une vite intun viaç di vuarison, di catarsi creative e di testemoneance.

Ingrès libar fin che a son puescj disponibii

Tal câs di brut timp, la proiezion si fasarà te Sale Sociâl de SOMSI di Cividât