Prime assolude

Une storie che e je fate de stesse sostance dai bruts siums, che nus spaurìs e ancje nus esalte. Hyde al è la corporeitât, il desideri, la trasgression che Jekyll al plate sot di une vite dedicade al lavôr, al resonament e ae virtût. La ossession pai esperiments, pe ambiguitât de sience, la dople personalitât e il risi de repression a fasin di chest romanç, scrit tal 1886, une riflession su la nature umane che, ancjemò vuê, nus sedûs e nus domande: isal pussibil spartî il ben dal mâl?