Friuli Venezia Giulia e Bosnia ed Erzegovina

Dal 2021, la Associazion Mitteleuropa cun chê di inricjî il calendari siôr di spetacui di teatri, musiche, danze e circ metût adun di Mittelfest, e inmanee un moment impuartant di amicizie istituzionâl, un forum di dialics e di incuintris tra il Friûl-Vignesie Julie e il forest, a conferme des relazions speciâls che cheste regjon e manten cui paîs che i son dongje par gjeografie, storie e culture.
Tal 2021, l’ospit speciâl e je stade la Slovenie, cul onôr de presince dal President de Republiche Borut Pahor, tal 2022 i è tocjât ae Austrie, tal 2023 ae Ongjarie inte ocasion di Veszprém, Capitâl Europeane de Culture 2023, tal 2024 ae Republiche Ceche e tal 2025 ae Cravuazie. Tal 2026 a van indevant i moments di confront organizâts di Mitteleuropa, cu la colaborazion e la ospitalitât di CiviBank – Grup Sparkasse.

Associazion Mitteleuropa

La Associazion Mitteleuropa e nas tal 1974 cu la volontât di promovi il dialic culturâl, economic e sociâl tra i paîs dal centri Europe: une sfide, intun moment storic cuant che la roture causade de tendine di fier e rindeve i rapuarts e i progjets une vore dificii, se no impussibii. Cul timp Mitteleuropa e à zontât ae sô mission origjinarie chê di une vere ativitât di diplomazie culturâl. Vuê la associazion e je increditade li de Regjon Friûl-Vignesie Julie fra i organisims culturâi di rilevance regjonâl e e je iscrite tal regjistri de trasparence de Comission Europeane.