La seste edizion di mittelyoung si è sierade cuntun grant sucès, e e à confermât ancjemò une volte di jessi un festival vivarôs e impuartant pe sene internazionâl under30.
I nûf spetacui in program a son stâts selezionâts tra lis 238 domandis rivadis di 28 Paîs europeans midiant de open call 2026, che e à confermât l’interès e la vitalitât de zovine creativitât contemporanie.
Tra chescj, i curatores under30 — cûr dal progjet e motôr de selezion artistiche — a àn sielzût i trê spetacui vincidôrs, che a tornaran sul palc di Mittelfest 2026, in sene dai 16 ai 26 di Lui, dentri dal program uficiâl dedicât al teme de PÔRE.
Chescj a son i vincidôrs:
danze
Adam’s Apple
Company Creama
musiche
Nove stare zgodbe
Duplina
circ
Chuck My Life
Arman Kupelyan
Dongje de selezion dai curatores, a son stâts assegnâts ancje i premis speciâi de jurie di esperts formade di Riccardo Ventrella dal Teatro della Pergola, Francesca Di Fazio, diretore artistiche junior di ERT Fondazione, e dal critic e studiôs Roberto Canziani.
SPECIAL JURY AWARD
ADAM’S APPLE
Il sarpint nol è une besteate, ma une tentadore deliziose. Adam e Eve, il lôr miluç sal tegnin ben strent, e a trasformin la vergogne intune celebrazion al feminin dai pecjâts dal Eden.
Fra chescj la danze e je il plui ironic.
AUTENTICITÂT
NOVE STARE ZGODBE
La amicizie di banjo e armoniche e conte sintiments autentics. La felicitât, il prin amôr, la purece de aghe, i profums dal bosc. E lis vôs di Jonas e Gorazd a ‘nt moltiplichin il sun intune serade cuiete di cjant popolâr.
ENSEMBLE
UN LIVE PODCAST
Di chi è una storia? Dell’attore che la interpreta? Dell’autore che l’ha scritta? Di chi l’ha vissuta? Nei mille diversi formati dei podcast, i quattro Divanoproject provano a raccontarla, la loro storia. Con l’immediatezza e la presa sulla realtà che si addicono a una giovane promettente compagnia, di cui si vuole segnalare l’amalgama di gruppo.
CROSSMEDIA
INSERT COIN
Un videogame cence video. Anzit, in cjar e vues. Cun performer cussì vêrs che a somein digjitâi.
Atrazions fatâls, sfidis mortâls, zuiadôrs incagnîts, nus metin devant de nestre vite deventade un zûc. La domande che e ven dopo no pues mancjâ. Insert coin. Pare dentri une monede. E lin indevant a zuiâ insiemi.
Cjale ancjemò une volte la magjie dai artiscj Under30 di cheste edizion inte nestre Gallery (fotos di Luca A. d’Agostino © Phocus Agency)
Lassiti stupî ancjemò e torne a vivi il Festival cjalant i nestris Videos (videos di Stefano Bergomas | Massmedia.it)
