Cul meti a puest vecjis scjatulis plenis di fotografiis e di bobinis di pelicule si disvele in mût graduâl il paisaç dai ricuarts dal teritori di confin tra Slovenie e Italie, che tal secul passât al jere stât dividût de vuere e de violence politiche. I ricuarts de infanzie dai anzians des dôs bandis dal confin a àn cetant plui in comun di ce che nus àn insegnât i libris di storie e a disvelin une vision diferente di chest teritori.  Il film al met adun i ricuarts de int dal puest di nazionalitâts diferentis, doprant filmâts e fotografiis par costruî il senari di une narazion condividude de vite inte Seconde vuere mondiâl, dopo juste 80 agns che e je finide, cuant che la pôre di un gnûf conflit mondiâl e torne a vignî fûr.

Event in colaborazion cul Curtîl di Firmine e cu la Storiche Societât Operarie di Mutui Socors e Istruzion di Cividât

Ingrès libar fin che a son puescj disponibii

Tal câs di brut timp, la proiezion si fasarà te Sale Sociâl de SOMSI di Cividât