Dopo cinc agns di tournée sold-out te Belgjiche e in France, Lay this drum!, il spetacul di percussions dut al feminîl, al rive pe prime volte in Italie e al ufrìs al public di Mittelfest une esperience uniche e emozionante, pensade di pueste par chest festival. E je une version “tal viert”, fate cui tocs miôr dal lôr spetacul e moments di improvisazion e di partecipazion. Un event ecezionâl che al esalte il podê des feminis e la fuarce des percussions e che al savolte i lûcs comuns cun ritmi, ironie e impertinence.

Prime nazionâl
Tal câs di brut timp, il spetacul si fâs tal Teatri Ristori