Voci Vicine 2.0: une inchieste musicâl su lis tragjediis de nestre ete

Ai 27 di Lui, aes 21:30, Teatro Ristori di Cividât, al va in sene Voci Vicine 2.0, un event unic là che lis peraulis di inchieste de gjornaliste Luciana Coluccello si fondin cu la musiche di Fabio Cifarello Ciardi eseguide dal Icarus Ensemble. Vôs diferentis a denunziin lis tragjediis de nestre ete, a tacâ dal cambiament climatic fin ai problemis di lavôr e dal sociâl.

Une creazion origjinâl cu la gjornaliste che e fâs di naratore, l’ensemble strumentâl e dut il davoi di vôs e di musis che a contin, a denunziin, a berlin lis tragjediis dal dì di vuê. Un côr disordenât di apei, di denunziis e di invetivis, cun ancje filmâts curts sparniçâts inte rêt, si font cu la musiche di Ciardi, rivant a di une esperience passionade e che e cjape dentri.

Vie pal event la gjornaliste Luciana Coluccello e vuide il public cun storiis e imagjins. Lis vôs di une Italie e di une Europe che a reagjissin e che si oponin cun fuarce, a saran dutune cu la musiche, eseguide ancje dal cravuat Cantus Ansambl, par ufrî un spetacul cuntune fuarce emotive une vore alte.

No stait a pierdisi cheste prime assolude ai 27 di Lui aes 21:30.

Quartetto per la Fine del Tempo di Messiaen: une opare mestre a Mittelfest

Ai 27 di Lui, aes 19:00, li de Glesie di Sant Francesc, Mittelfest, cu la
colaborazion de Associazion musicâl Sergio Gaggia, al presente Quartetto per la fine del tempo di Olivier Messiaen. Cheste esecuzion, une tra lis oparis plui innomenadis di musiche di cjamare dal secul XX, e sarà un event dulà che no si pues mancjâ, soredut par cui che al è passionât di musiche.

Componût tra la fin dal 1940 e il tacâ dal 1941 intal cjamp di concentrament di Görlitz, inte Polonie di vuê, là che Messiaen al jere internât, il cuartet al rapresente une testemoneance fuarte e comovente des cundizions grivis là che al è nassût. La prime esecuzion e fo fate intal cjamp di concentrament, denant di un public di presonîrs e vuardiis, un contest che al à zontade une profonditât emotive inmò plui fuarte ae opare.

La partidure si vierç cuntun pas da cjapitul X de Apocalìs di Sant Zuan: «E o ai viodût un agnul plen di fuarce che al vignive jù dal cîl, […] disint: “No ‘nd è plui di Timp; ma te dì che il setim agnul al sunarà la trombe, alore il misteri di Diu si colmarà”». La opare e tache cun chest pas biblic, e denant dai disordins de vuere e vierç un slambri mistic e si fâs domandis su ce che al è “il timp” daûr di une clâf teologjiche, filosofiche e musicâl.

No stait a pierdi la ocasion di partecipâ a cheste straordenarie esecuzion ai 27 di Lui aes 19:00, un event che al regale une esperience musicâl e spirituâl che no si pues plui dismenteâ.

Džambo Agušev Orchestra: un viaç musicâl esplosîf inte baldorie dai Balcans

Prepariti par un davoi di musiche e danze! Ai 24 di Lui, Place dal Domo e deventarà une arene di fieste cu la esplosive Džambo Agušev Orchestra e il so spetacul di no pierdi Brasses for the Masses. Des 21.30, lassiti menâ lontan di chês notis passionadis di une band che e messede in maniere magjistrâl il calôr dai bai dai Balcans cu la maestrie dai otons e des percussions.

Il cjâf de band, Džambo Agušev, cognossût tant che la tigre dal funky, al vuide chest turbin di musiche cu la sô trombe e il so spirt ardint, e ti menarà dentri di un viaç che al passe la Macedonie, lis sôs lidrîs gjitanis e lis influencis modernis dal soul e dal funky. De piçule citât di Strumica ai palcs internazionâi, la Džambo Agušev Orchestra e je rivade tal cûr di ducj cul so snait e cu la sô energjie.

No stâ a pierdi la ocasion di vivi chest savoltament musicâl unic! Compre subit il to biliet e prepariti par balâ e vivi une esperience che e sarà dal sigûr dificile di dismenteâ ma ancje une vore vivarose.

Moni Ovadia, Senza Confini: une celebrazion de libertât e de dignitât umane

Un event cuntun impegn civîl e culturâl une vore fuart, cun Moni Ovada che al torne a Mittelfest. Ai 25 di Lui, aes 21:30 te Place dal Domo, Ovadia al presente Senza Confini. Ebrei e zingari“, un recital che al va daûr dal so lavôr innomenât cuntune gnove musicalitât sunorose.

Cul so stîl unic e carateristic, Moni Ovadia al ufrìs une performance profonde fate di cjants, musiche e storiis rom, sinti e ebraichis, che a tirin fûr lis lidrîs che chescj popui perseguitâts a spartissin. La sô esibizion al è un apel fuart cuintri dai conformisims e des injustiziis, une declarazion ferbinte par proclamâ che la libertât e la dignitât di ducj i oms no si puedin negoziâ.

Senza Confini, Ebrei e zingari nol è dome un spetacul, ma un at di resistence culturâl e civîl. Moni Ovada al dopre la sô art par denunziâ lis persecuzions e lis discriminazions, al torne a dî trop che a son impuartantis la solidarietât e la justizie. Une ocasion di no pierdi par rifleti su la umanitât vagabonde e sul impegn cuintri dal razisim e de opression.

Compre il to biliet e partecipe a cheste serade che e à un significât un vore fuart, là che musiche e teatri a deventin imprescj pe bataie cuintri di ogni forme di intolerance e par rivâ a di un mont plui just.

Fortuna: danze e circ par il mâr e il naufrai

Une esperience artistiche insuperabile, ai 26 di aes 21.30 in Place dal Domo cun Fortuna, , une produzion italobelghe straordenarie firmade di Piergiorgio Milano, presentade di LAC Lugano Arte e Cultura e TIR Danza. Chest spetacul inovatîf al messede danze, circ e musiche dal vîf par ufrîti une performance che ti cjape e ti lasse, a nivel visîf, cence flât.

Doi acrobats e balarins di esibissin suntune struture di inzirli che e clame la intensitât e il drame dal navigâ cu la barcje a vele. Fortuna al trasforme il mâr intune entitât vive, un palc che al cree zigants, sirenis, mostris e visions. Cun poesie e cjant che a fasin di sotfont, i cuarps dai artiscj nus contin di un naufragji al contrari, vignint sù di une grande nâf cidine, finide sul fonts dal ocean, fin al morbin par une partence in curt.

Chest spetacul nol è dome un viaç fisic tra ondis indomabilis e aiarons, ma ancje une metafore fuarte de vite e dai disordins dal nestri mont. Lassiti cjapâ de magjie di Fortuna e scuvierç la conte, cu la danze, di storiis di riscat e di sperance.

Siguriti di vê un biliet par une serade di emozions, poesie, aventure, e prepariti par vivi un viaç che no tu podarâs dismenteâ tra lis ondis de art e de creativitât. Fortuna ti spiete par vuidâti intune aventure che e esplore i confins de performance e de imagjinazion.

Moni Ovadia, Senza Confini: une celebrazion de libertât e de dignitât umane

Un event cuntun impegn civîl e culturâl une vore fuart, cun Moni Ovada che al torne a Mittelfest. Ai 25 di Lui, aes 21:30 te Place dal Domo, Ovadia al presente Senza Confini. Ebrei e zingari“, un recital che al va daûr dal so lavôr innomenât cuntune gnove musicalitât sunorose.

Cul so stîl unic e carateristic, Moni Ovadia al ufrìs une performance profonde fate di cjants, musiche e storiis rom, sinti e ebraichis, che a tirin fûr lis lidrîs che chescj popui perseguitâts a spartissin. La sô esibizion al è un apel fuart cuintri dai conformisims e des injustiziis, une declarazion ferbinte par proclamâ che la libertât e la dignitât di ducj i oms no si puedin negoziâ.

Senza Confini, Ebrei e zingari nol è dome un spetacul, ma un at di resistence culturâl e civîl. Moni Ovada al dopre la sô art par denunziâ lis persecuzions e lis discriminazions, al torne a dî trop che a son impuartantis la solidarietât e la justizie. Une ocasion di no pierdi par rifleti su la umanitât vagabonde e sul impegn cuintri dal razisim e de opression.

Compre il to biliet e partecipe a cheste serade che e à un significât un vore fuart, là che musiche e teatri a deventin imprescj pe bataie cuintri di ogni forme di intolerance e par rivâ a di un mont plui just.

Fortuna:

danze e circ a van insot dal mâr e dal naufragji

Une esperience artistiche insuperabile, ai 26 di aes 21.30 in Place dal Domo cun Fortuna, , une produzion italobelghe straordenarie firmade di Piergiorgio Milano, presentade di LAC Lugano Arte e Cultura e TIR Danza. Chest spetacul inovatîf al messede danze, circ e musiche dal vîf par ufrîti une performance che ti cjape e ti lasse, a nivel visîf, cence flât.

Doi acrobats e balarins di esibissin suntune struture di inzirli che e clame la intensitât e il drame dal navigâ cu la barcje a vele. Fortuna al trasforme il mâr intune entitât vive, un palc che al cree zigants, sirenis, mostris e visions. Cun poesie e cjant che a fasin di sotfont, i cuarps dai artiscj nus contin di un naufragji al contrari, vignint sù di une grande nâf cidine, finide sul fonts dal ocean, fin al morbin par une partence in curt.

Chest spetacul nol è dome un viaç fisic tra ondis indomabilis e aiarons, ma ancje une metafore fuarte de vite e dai disordins dal nestri mont. Lassiti cjapâ de magjie di Fortuna e scuvierç la conte, cu la danze, di storiis di riscat e di sperance.

Siguriti di vê un biliet par une serade di emozions, poesie, aventure, e prepariti par vivi un viaç che no tu podarâs dismenteâ tra lis ondis de art e de creativitât. Fortuna ti spiete par vuidâti intune aventure che e esplore i confins de performance e de imagjinazion.

Paradiž: une flabe emozionante cence peraulis

Une opare mestre di teatri uniche tal so gjenar. Ai 28 di Lui aes 19.15, in prime nazionâl, il Mittelfest al presente Paradiž une comedie dolcemare direte dal innomenât regjist talian Matteo Spiazzi e metude in sene dai atôrs straordenaris dal SLG Celje.

Ambientade intun ospizi di une piçule citât slovene, “Paradiž” e esplore lis vitis incrosadis dai anzians che a son a stâ li, fevelant di concets universâi tant che la esclusion, l’isolament, il jessi bessôi, e lis malatiis fisichis e mentâls. Cheste storie, che si ispire a fats reâi, si disvilupe cence doprâ peraulis, ma midiant di un zûc evocatîf di mascaris come inte comedie de art, ufrint une riflession fuarte e comovente su la vite, sui siei displasês e su lis ocasions mancjadis.

Paradiž e je une flabe dai nestris timps che e celebre la vite ancje cuant che te sô linie temporâl e sta par finî. Al è un spetacul che ti invide a sentâti e a cjalâ il mont cui voi dai siei personaçs, propit come se tu lu fasessis dal barcon di une poltrone comude, sprofondant intune narazion che, ancje cence peraulis, ti fevele drete al cûr.

Di seguit lis informazions pa ciamà il rimborso pe bielt, che al podarà jessi fate par chei modi chi di sote:

Tale biglieterie dal Festival in Borc di Pont a Cividât di Friûl dai lunis 22 ai miercus 24 di Lui cui segjents oraris 11/13 – 17/21.

o

Comunicant par mail a biglietteriamittelfest@gmail.com il codîs dal bielt comprât online (Tlite0112….. ) di lunis 22 a miercus 24 di Lui cun indicât, non cognon, numer di post, date di comp e iban.

A chi i vincjodôrs di Mittelyoung 2024 che a laràn su la scene di Mittelfest Disordini dal 20 al 22 di Lui 2024!

La sielte dai curatores

---

La sielte de Giurie

PREMI MITTELYOUNG 2024

Giurie
Alberto Bevilacqua
Veronika Brvar
Roberto Canziani
Elisa Marcon

Il prestigjôs palc a cîl viert di Mittelfest al torne in grant stîl, te sô edizion numar 33: un ambient pardabon incredibil par artiscj innomenâts.

Ai 19 di Lui si vierç il sipari cul tradizionâl conciert di scree che, adun cul conciert finâl, al insuaze a nivel musicâl il festival, une manifestazion che chest an, plui di simpri, e unìs cualitât e zûc.

Di fat, ai 19 di Lui o varìn l’Happy concert: in place dal Domo, adun cu la FVG Orchestra e cun Lucy Landymor aes percussions, a sunaran i doi di Igudesman & Joo, o sedi il violin di Aleksey Igudesman e il piano di Hyung-ki Joo. Nus proponaran un vêr miscliç musicâl che al va di Mozart ai Beatles, cui struments che a deventin simpri altri di ce che a varessin di sei. Il spetacul al è une coproduzion ARLeF – Agjenzie regjonâl pe lenghe furlane e Mittelfest 2024.

Invezit, a sierâ la edizion ai 28 di Lui, al sarà il conciert sinfonic Margherita Vicario – Gloria! de cjantautore, atore, autore di podcast e regjiste di cine Margherita Vicario, cuntune colaborazion che e va indenant za di agns cul Ravenna Festival: une opare musicâl che e cjape il titul dal so prin film che al à partecipât al ultin festival di Berlin, adun cu la Orchestra Corelli. Ancje in chest câs lis storiis di une cuotidianitât emozionante si compagnin ben cun elements musicâi ludics e di alt nivel.

Ai 21 di Lui, intune prime assolude, o varìn il tribût comovent al poete furlan Pierluigi Cappello, mancjât tal 2017, cul spetacul Le tue parole. Pierluigi, Scluse e il cîl, interpretât di Giuseppe Battiston, cu la musiche origjinâl di Piero Sidoti e la regjie di Paola Rota. La regjiste, adun cun  Battiston, è a curât ancje la dramaturgjie a partî dai materiâi origjinâi dal poete di Scluse, cjapant dentri lis sôs poesiis e lis prosis di “Questa libertà” (Rizzoli), alternant lis peraulis par talian e par furlan cu la musiche.

Ai 25 di Lui al torne a Mittelfest Moni Ovadia, pe prime volte dopo jessi stât diretôr dal festival dal 2003 al 2008: nus presente Senza Confini. Ebrei e zingari, une des sôs oparis plui impuartantis, ma cuntune musicalitât gnove, come che al è tal so stîl, par un recital fat di cjants, musichis, storiis rom, sintis, ebraichis che a rompin il scheme dal conformisim declarant che la libertât no si pues negoziâ.

Poetic e plen di ricuarts al è il spetacul Talk radio, par peraulis e musiche, in sene ai 22 di Lui, une prime assolude; ideât di Valter Sivilotti, suntun test di Angelo Floramo, al è interpretât di Alessio Boni; lis musichis a son di Glauco Venier, Mirko Cisilino e Alfonso Deidda. La ispirazion de storie e ven di chê stagjon strane di jazz che e je stade a Gurize tra il 1945 e il 1947, cuant che lis trupis americanis di liberazion a vevin viert une radio che e trasmeteve lis grandis oparis di Goodman, Duke Ellington e di Frank Sinatra, che al tacave in chê volte a fâsi notâ.

Voci vicine 2.0, ai 27 di Lui: lis peraulis di inchieste de gjornaliste Luciana Coluccello a saran compagnadis de musiche di Fabio Cifarello Ciardi cul Icarus Ensemble. Tantis vôs par denunziâ lis tragjediis de nestre ete, dal clime fin al lavôr e aes cuistions sociâls.

Pe world music, al torne a Mittelfest, ai 24 di Lui in place dal Domo, il grup Džambo Agušev Orchestra cun Brasses for masses: une baldorie di otons e di percussions che e ricuarde i bai sfrenâts dai matrimonis balcanics.

La danze e sarà presinte tal festival ancje cu la propueste italobelghe Fortuna, ai 26 di Lui: la ideazion, la regjie e la coreografie a son di Piergiorgio Milano;doi acrobats e balarins si movin suntune struture tant alte di fâ vignî l’inzirli, ricuardant lis cundizions pericolosis de navigazion cu la barcje a vele: un naufragji al contrari, li che i doi a vegnin fûr dai abìs.