Vuê, ai 15 di Avrîl dal 2026, al è stât presentât il program de gnove edizion di Mittelfest e Mittelyoung, i doi apontaments internazionâi che a tornin a Cividât il prin dai 14 ai 17 di Mai e il secont dai 16 ai 26 di Lui. Un progjet che si disvilupe in plui mês e che, ancje pal 2026, al met in prin plan il dialic tra lengaçs, gjenerazions e culturis, fondât su la PÔRE, teme principâl de edizion numar 35.
Un percors che al travierse la contemporaneitât, al incrose visions artistichis, riflessions sul presint e lidrîs tal teritori, e al infuartìs la dimension internazionâl dal festival e la sô funzion di spazi di incuintri e di confront tra esperiencis diferentis.
