Totem e tabù
Bodanza, Da Pozzo, Kusterle

Cjapant ispirazion dal saç scrit di Freud, che al à il stes titul, la mostre “Totem e tabù”, inmaneade te Galarie Spazio Cortequattro, e presente lis oparis di trê artiscj furlans impuartants dal nestri timp che a àn studiât diviersis formis dal proibît. Gaetano Bondanza, che cu la sculture, la piture e il digjitâl al rapresente in maniere ironiche une umanitât caraterizade di une matetât incussiente, metint in evidence i temis dal erotisim e dal sacri. Ulderica Da Pozzo, che e presente une serie di fotografiis realizadis tal ex ospedâl psichiatric di San Svualt a Udin, butant un voli su la soference, la esclusion e la incomprension de disabilitât psichiche.  E Roberto Kusterle, che cu lis sôs imagjins plenis e vibrantis nus vuide intune analisi profonde dal metamorfisim. Il cuarp uman si vistìs e si disvistìs di simbui, intune soreposizion continue di alegoriis, metaforis e tabûs.

Ogni dì dai 18 ai 27 di lui des 17.00 aes 20.00
Jentrade libare
Informazions 340 1517032