Sconfinamenti
Dialic tra musiche e danze

Doi artiscj ecletics, doi monts che si vierzin, un violinist e un balarin che a ogni repliche a cjatin manieris gnovis par passâ i lôr confins. Intun spazi di improvisazion, il balarin Nicola Galli e il compositôr e violinist Rodrigo D’Erasmo a dialoghin dentri dai lôr cjamps artistics par componi une partidure coreografiche e musicâl simpri gnove, che e nas dal moment. Tra sincroniis e ponts di fughe al cjape forme un percors inedit che nus invide a lâ di là dai nestris limits e a contaminâsi.