Un spetacul interatîf dedicât ae infanzie e aes fameis che, midiant dal zûc, al esplore lis tantis pussibilitâts motoriis dal cuarp e al ufrìs ai spetatôrs un moment par scuvierzi gnovis percezions e emozions. Fruts e gjenitôrs si sentin ator di une plateforme cuadrade plene di pluriball, il materiâl par imbalâ che al sclopete fasint “pop”: li parsore il balarin si môf dissegnant figuris e gjeometriis, invidant il public a interagjî cu la materie e a condividi la gjonde dal moviment.

Progjet Famee
Performance interative dedicade a fruts, frutis (5 – 10 agns) e aes fameis