Un stîl che al è une liende, une interpretazion che e sfide la convenzion, un sunâ il piano che al à fat discuti par plui di cuarante agns. Fin di cuant che al à tacât, tai agns ’80 – cu la sô eliminazion dal Concorso Chopin che e à fat scandul – al à imponude une vision de musiche gnove. Al torne a Mittelfest inte edizion dedicade ai tabûs: Pogorelich no dome al sune, ma al sugjestione e al stranìs cun elegance. Ducj i siei concierts a son un confront diret cul sun, il timp, il cidin. Il so piano al devente il lûc dulà che si palesin i nestris tabûs: tra abìs e pâs.