A son cidins i tabûs che a guviernin il confin invisibil di ce che al incuiete, che al è proibît o pericolôs, e tal stes timp a confermin la sacralitât dai lûcs sigûrs dulà che si pues stâ cun serenitât. Si movin invisibii, mudant simpri dilunc dal timp e tal spazi, stabilint ce che al à di restâ platât e ce che al pues palesâsi.  E cuâi sono i tabûs de vite che o sin daûr a vivi culì, tes nestris latitudins, e in chest moment precîs de lungje storie umane? Cuâi enigmis, dolôrs, fedeltâts, proibizions e desideris, limits, siums o pôris marchino i nestris confins? I tabûs e il lôr misteri, clârs o discognossûts par cui che ju vîf, incomprensibii e evidents par cui che no ur è sometût, a son lis leçs no scritis che a sostegnin la magjie, atraente e teribile, dal nestri mont svariât, plui ambigui che trasparent. Salacor, cence tabûs no si à umanitât. Cui che al vûl, che al vedi il plasê di scuvierzilu.

Jentrade libare cun oblic di prenotazion