The Handke Project. Or, justice for Peter’s stupidities

Dulà finissie la libertât de art e di dulà scomencial la dibisugne di jessi politichementri corets inte creazion artistiche? Podìno fâ art cence jessi insensibii? The Handke Project al met adun sîs atôrs di Cossovo, Serbie, Bosgne e Erzegovine, Italie e Gjermanie par frontâ, cu la juste distance, anzit cu la juste dose di ironie, la figure discutibile di Peter Handke: scritôr e poete, premi Nobel pe leterature tal 2019, ma ancje sostignidôr di Milosevic e negazionist dai crimins fats inte ex Jugoslavie intai agns ’90. Isal duncje pussibil separâ la opare dal artist? La cuistion e je cjalde e dibatude. Intant, Handke e i siei sostignidôrs europeans a continuin a movisi in libertât, ancje parsore des vot mil tombis des vitimis di Srebrenica. Forsit parcè che, al dîs Eric Gordy, Handke al è kitsch! Ma ancje un premi Nobel par lui al è kitsch. Ancje i sostignidôrs di Handke a son kitsch. In definitive, ancje la stesse ipocrisie europeane e je kitsch. 

Prime nazionâl 

Spetacul par inglês cun soretitui par talian