Progetto Tempesta
Antonio Panzuto
Il Progetto Tempesta al segne la rinassite des preziosis marionetis di Podrecca, che il Teatri Stabil regjonâl al conserve. Dopo dal cors par marionetiscj che – cu la poie de Regjon Friûl – Vignesie Julie e dal Enaip – il Rossetti al à organizât, e nas une produzion inedite ispirade ae opare mestre di Shakespeare. Progetto Tempesta si môf ator de metafore de isule e des trê figuris di Prospero, Ariel e Calibano, gjeneradis “de stesse sostance dai siums”, intune dimension pensade no dome pal palc ma indreçade a spazis museâi e performatîfs. Creaturis che a son intiessudis di poesie e di fantasie, lis marionetis a saran interpretis perfetis dai personaçs di Shakespeare plens di maravee e di stupôr deliziât, e desiderôs di “insumiâsi ancjemò”. Al Mittelfest e sarà une matinade di sorpresis, di spetacul e di scuvierte di chestis marionetis storichis, inte oasi cividine dai Acrobati del Sole.
Prime assolude
Spetacul par talian
Ae fin dal spetacul, il public al larà cui atôrs ae scuvierte des marionetis
Si ringracie il Parco Acrobati del Sole pe ospitalitât (acrobatidelsole.it)
Si consee di puartâ une barete
di William Shakespeare
in colaborazion cun Barbara Della Polla
cun I Piccoli di Podrecca