Mittelfest — Musiche

Patricia Kopatchinskaja & Fazil Say par Mittelfest

Patricia Kopatchinskaja e Fazil Say

Teatro Ristori
60 minûts
29/08 - 21:30

Patricia Kopatchinskaja, violin
Fazil Say, pianoforte
Photo © Julia Wesely

Patricia Kopatchinskaja e Fazil Say a sunin pe prime volte a Mittelfest, tornant a traviersâ pe ocasion il lunc crepuscul di aur de civiltât musicâl mitteleuropeane. La violiniste moldave e il pianist turc a tornin ae bielece dolce e corade des sunadis dal vienês Franz Schubert e al fluî fis e plen di nostalgjiis dal amburghês, za adotât de Viene fin de siècle, Johannes Brahms. Infin, tant che un coment al mît asburgjic che al sfume inte teribile tregjende de Vuere Grande, Kopatchinskaja e Say a frontin la sonata dal cec Leoš Janáček, cu la sô storie tormentade: nassude intal 1914 intun prin empit di siums di indipendence, e vignarà scrite e tornade a scrivi dopo lis disilusions de vuere e dal tramont dal Imperi.
L’estri, la ironie e il sens senic di Patricia Kopatchinskaja, che a trasformin ogni so conciert intune esperience teatrâl profonde, si unissin ae ecitazion e ae fuarce che midiant di chestis il talent tal sunâ il piano di Fazil Say al rive in maniere direte al public. 

Prime Nazionâl

Program musicâl

Franz Schubert, Sonata n. 2 in la minôr par violin e pianoforte, op. 137, D 385
Johannes Brahms, Sonata n. 3 in re minôr par violin e pianoforte, op. 108
Leoš Janáček, Sonata par violin e pianoforte (1914)