Onde (sonore)

Il violinist Massimo Quarta e la Orchestre dal F-VJ, pe ocasion cu la direzion dal austriac Michael Lessky, a traviersin la culture musicâl tra Italie e Austrie intun conciert che, tant che ondis o cerclis concentrics su la superficie di un lât, al partìs dal Friûl dal Nûfcent di Ezio Vittorio e, tornant indaûr tal timp, si slargje aes ibridazions tra contemporani e gregorian di Ottorino Respighi e si siere cun “La grande” di Franz Schubert. Mai sunade dilunc de vite dal compositôr vienês, parcè che considerade masse dificile di fâ, la sinfonie e je stade riscuvierte par câs tal 1839 di Robert Schumann in cjase di Ferdinand Schubert, fradi dal compositôr. Po dopo e fo puartade in sene, cu la direzion di Felix Mendelssohn, tal stes an.   

Tal câs di brut timp, il spetacul si fasarà tal Teatri Ristori

PROGRAM MUSICÂL

Ezio Vittorio
Preludi e allegro par arcs

Ottorino Respighi
Conciert gregorian par violin e orchestre, P 135 

Franz Schubert
Sinfonie n. 9 in do maiôr La grande D. 944