Mechanics of Distance
Máté Mészáros
In ce maniere la danze puedie tornâ a configurâ il spazi? In Mechanics of Distance trê balarins a esplorin lis salis dal Museu Archeologjic Nazionâl di Cividât cuntune esibizion “site-specific” là che il public al pues sielzi e misurâ la distance di osservazion. I balarins, cun trê formazions une vore diferentis tra di lôr tant che la danze classiche, la contemporanie e chê popolâr, acompagnâts des musichis dal vîf di Áron Porteleki, a incrosin i lôr cuarps creant figuris plastichis, a zuin cu la distance e cu la prossimitât, par po, cemût che al è inevitabil, tornâ a separâsi.
Prime nazionâl
Progetto cultura: i prins 200 spetatôrs di Mechanics of Distance e La fiera degli altri a varan tant che omaç un biliet par jentrâ tal Museu Archeologjic Nazionâl di Cividât
coreografie e idee Máté Mászáros
autôrs balarins Jenna Jalonen, Máté Mészáros, Zsófia Tamara Vadas
musiche Áron Porteleki
consulent Tamás Bakó
produzion SÍN Arts Centre
Il spetacul al è lât in sene in Prime Assolude tal National Dance Theatre di Budapest ai 26 di Mai dal 2019, al è stât realizât cu la poie dal Program “Zoltán Imre” dal Fonts Culturâl Nazionâl e al è stât metût te liste de Aerowaves Priority Selection 2020. De sô prime rapresentazion, Mechanics of Distance al è stât puartât in sene in svariâts festivai e placis europeanis.
photo © László Bellai