Maçalizi

Maçalizi al è il titul furlan de comedie di Yasmina Reza Le Dieu du carnage, di dulà che Roman Polanski al à gjavât fûr il cine Carnage. La comedie e conte il confront/scuintri tra dôs fameis intun contest borghês. Dôs cubiis si cjatin intun normâl tinel par cuietâ la violente barufe tra i lôr fîs. In curt, chest incuintri par fâ la pâs si trasforme intun scuintri esplosîf. La tension si riflet inte evoluzion des peraulis. Sul imprin il talian al camufe, tant che lenghe astrate de convenzion, i sintiments plui autentics e profonts, che a vegnin fûr man a man cul furlan, che al finìs duncje par disvelâsi tant che la lenghe dal vêr. Il tinel al sarà ricreât, tal mieç, intune teche/scjaipule di veri: i spetatôrs a saran sentâts ducj tor ator a osservâ la sene, tant che studiôs intun teatri anatomic.

Prime assolude

Spetacul par furlan e par talian

In câs di brut timp, il spetacul si fasarà inte Glesie di Sant Francesc