Mittelfest — Teatri

La giostra

Serena Di Blasio, Elena De Tullio, Alice Melloni

Giardino Residenza Morandini, Il Curtil di Firmine, Pozzo di San Callisto
30 minûts
29/08 - 10:00
29/08 - 17:00

Cun Serena Di Blasio, Elena De Tullio, Alice Melloni

Regjie Roberto Piaggio, Antonella Caruzzi, Jelena Sitar

Produzion CTA Gurize

Sîs intervents performatîfs curts ator par Cividât, une gjostre di spetacui di teatri di ogjets di taule par fâ partecipâ fameis, fruts e adults a un zûc divertent di coinvolziment coletîf. I spetacui, nassûts sgarfant jenfri i baûi dal CTA e i tancj tescj scrits intai agns di Antonella Caruzzi, a son insiorâts dal supuart preziôs des atoris Serena Di Blasio, Elena De Tullio e Alice Melloni.

Spetacul in lenghe taliane

L’oca dalle piume d’oro 
Cun Serena Di Blasio 

L’oca dalle piume d’oro, flabe antighe e misteriose de tradizion popolâr europeane, e conte di une biele principesse che no rît mai, nancje devant des situazions plui ridiculis e divertentis. So pari il Re, come tes flabis miôrs, al vûl dâi un om. Al decît di concedile tant che nuvice a cualsisedi om che al rivarà a fâle ridi. Ma la principesse e met une cundizion teribile: cui che al provarà e nol rivarà, al varà di murî.  

Storie di Mida 
Cun Serena Di Blasio  

Re Mida, personaç de mitologjie classiche, al è cognossût de plui part de int pal so podê – o forsit maledizion? – che par vie di chest cualsisedi robe che lui al tocje si trasforme daurman in aur. No ducj però a san che lui al jere leât ancje a une particolaritât fisiche che i à dât il sorenon di “re cu lis orelis di mus”, che di chê nus fevele Ovidi intes Metamorfosis.

L’usignolo e l’imperatore 
Cun Elena De Tullio 

Un imperadôr une dì, leìnt un libri regalât dal imperadôr dal Gjapon, al scuvierç che intal so zardin al è a stâ un rusignûl cuntun cjant maraveôs. Inmagât de sô melodie, al mande daurman il so lutignint a cirîlu par fâlu vignî tal palaç a cjantâ par lui. L’imperadôr si inamore a colp dal cjant dal rusignûl…

A spasso con Olivia 
Cun Elena De Tullio 

A spasso con Olivia al è un zûc par piçui spetatôrs, i fruts a acompagnin Olivia intun viaç par scuvierzi il mont e ce che lu abite: il soreli, il mâr, i colôrs, i ogjets e lis peraulis che a dan un non a dut. Adun cun jê si maravein, si entusiasmin, a gjondin des vitoriis e a imparin a rabiâsi pes piçulis sconfitis. 

Il pesciolino d’oro 
Cun Alice Melloni 

Il pesciolino d’oro e je la storie di un puar pescjadôr e de sô femine, de lôr vite intun piçul cason su la rive dal mâr. Lui ogni matine al va a pescjâ cu la sô rêt, jê si sente devant de puarte a filâ, spietant di cusinâ il pes pescjât. Ma une dì al sucêt alc di inspietât… 

Salamelecchi 
Cun Alice Melloni 

Salamecchi di Andersen al conte cun grande ironie e finece la storie di un imperadôr braurin e stupit contornât di cortesans simpri atents a complasêlu in dutis lis manieris. Fin a che un frut, disint dome la veretât, al met in discussion il cjistiel di bausiis che su chest si poie dut il ream.