Mittelfest — Musiche

DUE PADRI E ALTRI ANIMALI FEROCI

Leo Ortolani e Giampaolo Bandini

Chiesa di San Francesco
110 minûts
05/09 - 16:00

Cun

Leo Ortolani, vôs che e recite

Giampaolo Bandini, ghitare

Musichis di Sting, Paul McCartney, George Harrison, John Lennon

Produzion Parmaconcerti

Dialic comic, sentimentâl e musicâl cun Leo Ortolani, il creatôr di Rat-man, e Giampaolo Bandini.

Cjapant tant che ispirazion il romanç di Ortolani Due figlie e altri animali feroci (za publicât di Sperling & Kupfer e tornât a editâ intal 2019 di Bao Publishing) i doi paris a contin la lôr storie di gjenitôrs adotîfs, il prin midiant des sôs storiis e des vignetis tant divertentis, il secont cu la ghitare e la musiche. Il spetacul al è la testemoneance di une esperience dificile e plene di sorpresis, come che a san ducj chei che a son deventâts gjenitôrs adotîfs o che a son ancjemò in spiete di cjapâ a bracecuel il lôr frut, che si trasforme intune aventure plene di comicitât, umanitât e dolcece. Dôs frutis che a cirin afiet. Doi aspirants gjenitôrs in confusion e feliçs. Un viaç inmagant e comovent par meti adun une gnove famee.

Prime Regjonâl

Spetacul in lenghe taliane