Assenza Sparsa

Se il teatri al esist par cualchi motîf, tra chescj a àn di jessi ancje la vite e la muart. Assenza Sparsa al nas di chi. Al jere il mês di Zenâr dal 2016 cuant che, dopo di un incident, un amì al jentrave in come e dopo cualchi dì al murive. Al veve 27 agns, nô 23 e 25, o vevin condividût cjase, cusine e scuele. Tal 2019 o vin il privileç di podê scomençâ une ricercje al Policlinic Sant’Orsola di Bologne. Par dôs setemanis o durmìn, o mangjìn e o cjaminìn pal ospedâl e pal repart di rianimazion. Al è li che Assenza Sparsa al cjate il so ecuilibri e al scuvierç la sô forme teatrâl. Il spetacul al viaze su doi binaris paralêi: il prin, emotîf e personâl, al è la storie che nus à tocjât in prime persone; il secont, medic e sientific, al sta intes conversazions fatis cui miedis e cul personâl dal repart su argoments tant che il come, il sium, la muart e la percezion dal dolôr. 

Spetacul par talian