Mittelfest — Musiche

A WASTE OF TIME

XTRO

Orto delle Orsoline
45 minûts
30/08 - 19:00

Di XTRO
Produzion XTRO
Cu la poie di Mittelfest
Photo © Luca d’Agostino

A WASTE of time al è un spetacul che al met adun elements teatrâi e musiche, par mieç di tocs di compositôrs contemporanis e modernis. La sô unicitât e ven dal fat che la plui part dai struments doprâts dilunc dal spetacul, a saran cjapâts sù intai spazis urbans. Par vie de situazion ambientâl mondiâl caotiche al è il moment di dâ un messaç clâr in plui mûts che si pues. In chest conciert, trê musiciscj a fasin viodi cemût che il ricicli al puedi pardabon jentrâ tant che part intune creazion artistiche, adatant ogni toc in maniere precise par meti dentri i ogjets cjapâts sù. L’obietîf principâl al è chel di incressi la cussience dal probleme dal incuinament tal mont, dimostrant cemût che si pues tornâ a doprâ i refudums par ûs diviers.

Program musicâl

Ceci n’est pas une balle di Esperet/Benigno
Scrit in origjin par une compagnie teatrâl, chest toc al è plen di moments energjics e comics, associâts a un bal imagjinari.

Musique de table di Thierry De Mey
Sunant su taulis di len, i musiciscj a son obleâts a justâ i conts cui moviments des mans, in stât di gjenerâ un impat coreografic sorprendent sul public. Midiant dal intervent des lûs, diviersis tonalitâts, risonancis e patterns a vegnin fûr dal spazi ator ator. 

Batucatta di Hugo Morales
Toc par trê masselis di mus, un strument tradizionâl messican insolit. Une cumbinazion di motîfs sunâts sui dincj e sul crani dal animâl, a fasin chest lavôr une vore particolâr pai siei ritmis groovy, che si modifichin daûr di ogni sunadôr.

Natural resources di Anne Southam 

Unrung di Steven Snowden
I campanei di taule a son ogjets une vore familiârs, ma ce sucedaressial se nissun no ju cognossès plui? XTRO, cul lôr ûs, a costruissin un toc su la scuvierte sonore. 

9election (trio version) di Lam Lai Keng
“O ai scrit chest toc par esplorâ i suns prodots di diviers ogjets cjapâts sù dai percussioniscj. Al è tant che mangjâ l’hotpot, al baste cjoli ce che si vûl. Gjoldêt de mangjade di suns” 
Lam Lai

Objects and portrait projections di Patrick Ellis
Objects and Portrait Projections al esplore la union tra sonoritâts fatis cun vâs di plantis e cun massarie, cun imagjins manipoladis dal om e eletroniche fisse. Il lavôr al è ispirât di variis fonts cjatadis tal mont cuotidian e artistic: riunions zoom, filmâts di archivi, regjistrazions domestichis, interazion e ripetizion…