Mittelyoung — Teatri

17 selfie dalla fine del mondo

Riccardo Tabilio

Chiostro di Santa Maria dei Battuti
60 minûts
13/05 - 18:00
14/05 - 18:00
Compre

Cemût saraial il doman? Cemût saraial cuant che o sarìn ta chel altri cjaveç di un disastri climatic che la sience e i media a anunziin di decenis? Esistial pardabon un «altri cjaveç», un day after che di là di chel dut al sarà sucedût? Nus spietie une ruvine graduâl e inesorabile?17 selfie dalla fine del mondo al propon une serie di previsions: messaçs in butilie, boletins, cartulinis, istantaniis di un futûr pussibil par componi une narazion corâl de fin dal mont. Il public, inte dimension intime e coletive de performance audiovuidade, al sarà puartât a zuiâ, a emozionâsi e a fantasticâ su ce che al sucedarà, e su ce che forsit o podìn ancjemò fâ pal planet e pai siei abitants. 

Prime assolude

Spetacul in pîts, audiovuidât cu la scufe. Si consee vistîts comuts

Spetacul par talian

dramaturgjie e dissen dal sun Riccardo Tabilio

vôs Giuseppe Palasciano

cui contribûts e lis vôs di Alice Cafarelli, Caterina Bertolano, Chiara De Paolis, Elisa Pussini, Eva Luna Torres, Giada Nardini, Greta Bernardelle, Krizia Conchione, Luca Ottorogo, Monica Chialchia, Sara Beltramini, Sara Berghignan, Veronica Turcutti e Vittoria Cedron. Chei che a àn partecipât al laboratori di scriture organizât tal Convit Nazionâl Paolo Diacono di Cividât

consulence sientifiche Matteo Carzedda, Andrea Vico

riprese audio Gioele Maiorca

progjet promovût di Quarantasettezeroquattro

in colaborazion cun Mittelfest2022 par Mittelyoung

dentri dal progjet Realtà Aumentate

finanziât de Regjon Friûl – Vignesie Julie