Open Call
Mittelyoung tabù
12 di Dicembar dal 2024 – 12 di Fevrâr dal 2025
La ocasion di jessi part ad implen di une gnove gjenerazion in scene: la Europe zovine e je chi, cumò.
Dai 15 ai 18 di Mai dal 2025 a saran 9 i spetacui selezionâts che a laran in sene Cividât pe quarte edizion dal festival plui under30 de Europe.
Lis domandis a son viertis par artistis, artiscj, grups under30 di teatri, musiche, danze e circ che a vegnin di 27 paîs europeans: Albanie, Austrie, Belgjiche, Bielorussie, Bosgne e Erzegovine, Bulgarie, Cravuazie, Estonie, Gjermanie, Grecie, Italie, Cossovo, Letonie, Lituanie, Macedonie dal Nord, Moldavie, Montenegro, Paîs Bas, Polonie, Republiche Ceche, Romanie, Serbie, Slovachie, Slovenie, Svuizare, Ucraine, Ongjarie.
I progetti pervenuti verranno esaminati e valutati, con il coordinamento del direttore artistico, da un gruppo di curatrici e curatori under 30: una commissione costruita ad hoc di curatores.
Dutis lis candidaturis a saran valutadis di un grup di curadoris e di curadôrs cun mancul di 30 agns metût adun in graciis de colaborazion tra Mittelfest e cualchi istituzion e realtât formative dal Friûl Vignesie Julie: Accademia Eleonora Duse – Centro Sperimentale di Cinema e Arti Performative, Associazione culturale Arearea, Conservatorio Statale di Musica Giuseppe Tartini di Trieste, Conservatorio Statale di Musica Jacopo Tomadini di Udine, Fondazione Luigi Bon, Università degli Studi di Trieste, Università degli Studi di Udine, SNG Nova Gorica (Slovenia) e ancje Associazione culturale Circo all’incirca, Convitto Nazionale Paolo Diacono, Istituto Tecnico Arturo Malignani, Scuola di Danza Erica Bront, Teatro Club Udine – Palio Teatrale Studentesco.
Tra lis propuestis rivadis a’nt saran selezionadis 9 (2 teatri, 2 musiche, 2 danze, 2 circ e un spettacul cal podarà jessi part di une das categoris dit parsore) par meti adun la programazion di mittelyoung dai 15 ai 18 di Mai dal 2025.
Vie pal festival, il stes grup di curadoris e di curadôrs al selezionarà, tra i 9 spetacui programâts a mittelyoung, i 3 titui vincidôrs di tornâ a meti in sene dentri di Mittelfest Tabù dal 18 ai 27 di Lui dal 2025.
Si pues candidâsi dai 12 di Dicembar dal 2024 ai 12 di Fevrâr dal 2025
Al/e partecipe a Mittelyoung 2025
→ Scarica Scheda di candidatura
E pûr i tabûs si movin, ancjemò une volte cidins: cussì, pe magjie di un incuintri o cence vê di dî altris peraulis, a cambiin il confin di ce che al à di restâ platât e di ce che al pues mostrâsi. Duncje, te gjeografie e te storie, i tabûs a definissin lis leçs tasudis che la umanitât e cjape sù. E cuâi sono i tabûs che o sin daûr a vivi culì, tes nestris latitudins, e in cheste ete chi de lungje storie umane? Cuâi enigmis, dolôrs, fedeltâts, proibizions e desideris, limits, siums o pôris marcjino i nestris confins?
I tabûs e il lôr misteri, clâr o discognossût par cui che ju vîf, incomprensibii e evidents a cui che no ur è sometût, a son lis leçs no scritis che a sostegnin la magjie, atraente e spaventose, dal nestri mont svariât, plui ambigui che trasparent. Salacor, cence tabù no si à umanitât. A cui che al vûl, che al vedi il plasê di scuvierzilu.
Giacomo Pedini
Diretôr artistic di Mittelfest