fiumi controcorrente
14° edizion di Incontri
Il teme sielzût pe edizion numar 14 de rassegne anuâl di “Incontri” al tocje un argoment che al menace la salût de Tiere, ven a stâi il calâ progressîf e teribil dai flums di dut il mont, lûcs dulà che si si disvilupin interiis comunitâts. Cun “Fiumi controcorrente” o volìn concentrâ la atenzion sul mudament climatic, sui fenomens che, magari cussì no, a son urgjents e dolorôs in dì di vuê e che a influissin su la normâl vite dai flums, trasformantju di riui paludans tai mês di grant sec a fuarcis distrutivis che si discjadenin cun inondazions disastrosis. O crodìn te impuartance de culture e de informazion, par chest o vin clamât relatôrs nazionâi e internazionâi, gjornaliscj, scritôrs, esperts, fotografs che nus contaran il stât di salût dal planet, tacant dai grancj flums, chei mitics, tant che il Colorado, par rivâ, navigant su lis aghis, fin ca di nô, in Friûl-Vignesie Julie, a Cividât, tes nestris tieris. E il pont dulà che o tocjìn la rive al è chest, chel plui dongje di nô, chel che o cognossìn miôr par vie che o sin cressûts culì. Cemût influissial il sec te nestre economie? Podaraie la agriculture lâ indevant cemût che e à fat fin cumò? E l’arlevament? Dutis lis ativitâts economichis che a àn bisugne de aghe dai flums?
Nus vegnin sù mil domandis, e nô o volìn cirî di dâ e condividi rispuestis.
La rassegne ti spiete dai 14 ai 29 di Otubar dal 2023 a Cividât
cun dibatits, mostris, incuintris, libris, socialitât, musiche, solidarietât, storie, art, atualitât e ambient.
Scuvierç ducj i events su Mittelland e visite www.somsicividale.it
info@somsicividale.it
Facebook